l a r s l o f t h u s
11.10. - 11.11.2006
"BUT SERIOUSLY" / "MEN SERIØST"
Det tematiske i utstillinga
heng saman med korleis Lofthus arbeider i atelieret. Fokuset skiftar fort.
Nokre gonger ynskjer han å lage interessante flatar. Seinare vil han
ha ei handling, eller noko konkret som tek fokuset bort frå det reint
kompositoriske. Dei breie, romlege penselstrøka kan fungere som ein
bygge-masse. Den kan brukast til å simulere ein type overflate - eller
berre vera modular i konkrete figurar. I dette arbeidet framstår mykje som uavklara, samstundes som maleria
prøver å framstå som sjølvsikre utsegn. Lofthus
tykkjer det er noko ærleg og interessant i å rope høgt,
uansett om ein kommuniserer noko konkret eller ikkje. Alvor og drama møter
det meinings- og bekymringslause. Lofthus er student ved Kunsthøgskulen i Bergen, avdeling Kunstakademiet
og studerer i haust på Det Kongelige Danske Kunstakademi i København.
> MER |